ਹਰਿਦੁਆਰ, 16 ਅਕਤੂਬਰ

ਕੇਦਾਰਨਾਥ ਤੇ ਬਦਰੀਨਾਥ ਮੰਦਰਾਂ ਸਮੇਤ ਉੱਤਰਾਖੰਡ ਦੇ ਕਈ ਰੇਲਵੇ ਸਟੇਸ਼ਨਾਂ ਅਤੇ ਧਾਰਮਿਕ ਸਥਾਨਾਂ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਵਾਲੀ ਚਿੱਠੀ ਮਿਲਣ ਤੋਂ ਬਾਅਦ ਪੁਲੀਸ ਅਤੇ ਖੁਫੀਆ ਏਜੰਸੀਆਂ ਚੌਕਸ ਹੋ ਗਈਆਂ ਹਨ। ਜੀਆਰਪੀ ਦੀ ਵਧੀਕ ਪੁਲੀਸ ਸੁਪਰਡੈਂਟ ਅਰੁਣਾ ਭਾਰਤੀ ਨੇ ਦੱਸਿਆ ਕਿ ਡਾਕ ਰਾਹੀਂ ਭੇਜਿਆ ਇਹ ਪੱਤਰ ਹਰਿਦੁਆਰ ਰੇਲਵੇ ਸਟੇਸ਼ਨ ਦੇ ਸੁਪਰਡੈਂਟ ਨੂੰ 10 ਅਕਤੂਬਰ ਨੂੰ ਮਿਲਿਆ ਸੀ। ਇਹ ਪੱਤਰ ਜਮੀਰ ਅਹਿਮਦ ਨੇ ਲਿਖਿਆ ਹੈ ਤੇ ਦਾਅਵਾ ਕੀਤਾ ਹੈ ਕਿ 25 ਅਤੇ 27 ਅਕਤੂਬਰ ਨੂੰ ਹਮਲੇ ਕੀਤੇ ਜਾਣਗੇ। -ਪੀਟੀਆਈ